“Индранил Дентал Групп” нь анх 2009 онд үүсгэн байгуулагдсан эрүүл мэндийн менежментийн компани юм. Индранил шүдний төв эмнэлэг нь 2017 онд үүсгэн байгуулагдсан бөгөөд 2023 оны байдлаар нийт 126 хүний бүрэлдэхүүнтэй байгаагаас удирдлага менежмент 7, санхүү хангамж 6, тоног төхөөрөмжийн болон IT инженер 2, зөвлөх эмч 4, нүүр амны эмнэл зүйн болон хүүхэд, гажиг засал, согог засал, мэс заслын их эмч 38, сувилагч, эмчийн туслах 38, рентген техникч, ариутгалын сувилагч, зохион байгуулагч болон үйлчлэгч зэрэг дэмжих багийн 31 хүний бүтэц орон тоотойгоор ажиллаж байна. 

Бид эмчилгээ тусламж үйлчилгээг амралтын өдөргүйгээр нийтэд хүргэж ажилладаг ба өдөр бүрийн 09.00-24.00 цагт ээлжээр ажиллахаас гадна Индранил Хороолол эмнэлэг нь тасралтгүй, жижүүр эмчийн хонолттойгоор шүдний яаралтай тусламжийг үзүүлсээр ирсэн. /Ковидын үед хонолтыг хязгаарласан/

2021 онд давхардсан тоогоор нүүр амны эмчийн эмчилгээ тусламж үйлчилгээг 68,000 хүнд үзүүлсэн байна. Бид эмч сувилагч нарынхаа мэргэжлийн мэдлэг, ур чадварыг тогтмол сургалтаар дээшлүүлж хэвшсэн ба Нидерланд улсын Амстердам хот дахь Шүд гоо сайхны P.C.Hooft clinic эмнэлэгтэй ажил мэргэжлийн сургалттай холбоотой ажилладаг. 

Манай хамт олон: 

2017 онд: Монголын анхны хонож ажилладаг 24 цагийн шүдний эмнэлэг - Индранил шүдний төв эмнэлэг

2018 онд: Баянзүрх дүүргийн 3-р хороонд Индранил Сансар шүдний салбар эмнэлэг байгуулсан.

2019 онд: Баянзүрх дүүргийн 6-р хороонд Индранил Сэлбэ шүдний салбар эмнэлэг байгуулсан. Хүүхдийн нүүр амны эмчилгээ тусламж үйлчилгээний баг бүрдүүлсэн. Монголын анхны эмчтэй эмийн сан, Индранил фармаси клиник, Медтек, Эрүүл мэндийн менежмент, маркетинг, Эрүүл ахуйн зөвлөх үйлчилгээ, эмнэлгийн барилгын зураг төсөл зэрэг олон сонирхолтой төслүүдэд хөрөнгө оруулан одоогийн байдлаар 150+ ажилтантайгаар эрүүл мэндийн салбарт үйл ажиллагаагаа тэлэн ажиллаж байна.

2020 онд: Хан-Уул дүүрэгт Индранил Буянт-Ухаа шүдний салбар эмнэлэг байгуулсан. 

2022 онд: Баянгол дүүрэгт Индранил Төмөр зам шүдний салбар эмнэлэг байгуулсан.

2023 онд: Хан-Уул дүүрэгт Индранил Яармаг шүдний салбар эмнэлгийг тус тус байгуулж үйл ажиллагаагаа өргөтгөж ажилласаар байна.

Эрхэм зорилго: ЗӨВ БҮТЭЭЛЧ ХҮМҮҮСИЙН ГЭР БҮЛ

Алсын хараа: АЗИЙН ШҮДНИЙ МЕНЕЖМЕНТ, ТЕХНОЛОГИЙН ЮНИКОРН КОМПАНИ БОЛОХ

Мото: БҮТЭЭЛЧ СЭТГЭЛГЭЭ АМЖИЛТЫН ТҮЛХҮҮР

Бид үйлчлүүлэгчдээ хүндэтгэн дээдэлж, чанартай эмнэлзүйн үйлчилгээгээр хангаснаар шүдний өвчлөлгүй монголын ирээдүйг цогцлооно.

Индранил бол "НЭГ ЗОРИЛГО"

Индранил бол Монгол хүний эрүүл мэндийн төлөө чин сэтгэлээсээ туслахаар цугласан хэсэг бүлэг "ЗӨВ, БҮТЭЭЛЧ ХҮМҮҮС"-ийн байх ёстой газар

Индранил бол "НЭГ ГЭР БҮЛ"